දීර්ඝ කාලීනව මතුවූ ගැටළු සමූහයක ඛේදනීය අවසන් ප්‍රතිඵලයේ තීරණය ඔබ අතේ.

ඔව්… මාතෘකාව වගේම තමා මේ පෝස්ට් එකේ අන්තර්ගතයත් බොහොම බැරෑරුම්. ඒක නිසා මේක රුක් සටහන්, වගු, පයි චාට්, බාර් චාට් එහෙම ඇඳල, පස්සෙන් පහු මාතය මධන්‍යය, අහුන්‍යය එහෙම හොයාගෙන විශ්ලේෂනය කරන්ට ඕනෑ මනෝවිශ්ලේෂන මෙව්වා එකක්. ඒත් එහෙම උනොත් මේකත් අර කාලෙකට ඉස්සර මනෝවිකාරෙන් වගේ ලියවිච්ච අබ්ලික් එව්ව වගේ එකක් වෙන්න බැරි නැති හන්ද සරලව සුගමව ලාලිත්‍ය බාසාවෙන් බුලට් ෆෝම් එකෙන් ලියන්නම්කො.

හැබැයි කියවන දනන්ගේ සුභ සිද්ධිය තකා මම මනෝවිද්‍යාව මෙතනට ගාවගන්න යන්නෙ නැති හන්ද අන්තිමට මේක මෙහම උනේ මොකෝ කියල නොතේරී යන්න ඉඩ තියනව. එහෙම උනොත් කියන්ටෝනැ තව පෝස්ට් එකක් ලියල දාන්න.

හරි.. ආරළු බූරළු නැතුව මෙන්න කතාව.

සිද්ධි අංක එක:

අදින් වසර තුනකට පමණ පෙර දළදා මාළිගාව පසෙකින් ඇති මල් කඩ පේලිය අසල.

අපි මෙතනින් මල් වට්ටි දෙකක් ගමුද ?

අනේ මෙතනින් නෙමෙයි අපි ඇතුලෙන් ගමු අර මී මැස්සො වහන වට්ටි වලින්.

මේ දුවයි පුතයි මල් ගන්නෙ නැද්ද ?

නෑ ආච්චිඅම්මෙ මෙයට අර මීමැස්සො ඉන්න වට්ටියක් ගන්න ඕනෙයි කියනවනෙ.

ආ එහෙනං අයිය මෙතනින් ගන්න නංගි අතනින් ගන්න.. මල් ආච්චි කියාපි.

ඒක කියාපු සකසුරුවම් කමටද කොහෙද අර මී මැසි මල් වට්ටි ගන්න ඕනෙයි කියපු කෙනත් ඒ ආච්චිගෙන්ම මල් ගත්ත.

ඒ විතරක්නම් මදෑ. ටික දුරක් ගිහිල්ල “හරි ශෝක් අනේ.. ඒ ආච්චි අපි දෙන්නට අයියයි නංගියි කිව්වනේ” කියලත් කියාපි.

සිද්ධි අංක දෙක:

මේකෙ කාල වකවානුව කියනවම, මීට අවුරුදු දෙක හමාරකට විතර උඩදි පෝරුවෙන් බැහැල එනකොට

හරිම අපූරුයි. හරියට අයියයි නංගියි වගේ.. අනේ වාසනාවන්.. ඒ අපේ ගිංතොට ආච්චි !

අනේ ඉතිං එදත් මූනෙ මල් පිපිල තියනව ගොඩක් දෙනා දැකල තිබුන.

සිද්ධි අංක තුන:

කාල වකවානුව. මීට අවුරුදු එකහමාරකට විතර කලින්. ස්ථානය ඉස්පිරිතාලයක්

හානේ.. මිස්ට මල්ලිල දෙන්නෙක් ඉන්නව කියල දැනගෙන හිටියෙ නෑ නෙ.

මුකුත් නොකියා හිනා උනාම ඒ මනුස්සය ආයෙම මෙහෙමත් කියාපි.

පොඩි මල්ලි නම් නිතරම මෙහෙ එනවනෙ. ඒත් මේ මල්ලි නම් දැකල නෑ. ලොකු මල්ලිද මිස් ?

ඒ පාරත් මිස් හිනා උනා විතරයි, ඒත් අර කලින් වගේ හිනාවක් නම් නෙමෙයි.

සිද්ධි අංක හතර:

අදට මාස දෙකකට විතර උඩදි එක්තරා රෝහලක ශල්‍යාගරයක් තුලදී.

මොකද උනේ.. ?

පඩිපෙලකින් වැ‍ටුනනෙ ඩොක්ටර්.

හ්ම්ම්.. මෙතනටයි මෙතනටයි මැහුම් දාන්න වෙයි වගේ.

හොඳවෙලාවට අක්කත් අද ඩියුටි නේද ?

හිකි හිකි හික් හී හී හිහ්..

මොකද ?

මේ එයාගෙ මල්ලි නෙමෙයි ඩොක්ටර්. හස්බන්ඩ් !!

ඌප්ස්.. අයිම් වෙරි සොරි මිස්.

එදා හවස නම් ගෙදර ගියාට පස්සෙ තුවාල කාරයාගෙ තත්වය ශෝචනීයයි !!!

…………………………………………………..

ඉවරයි කියලද හිතන්නෙ ?

උක්ත සඳහන් කරන්නට යෙදුනා වූ අතිශය ගැඹුරු සිද්ධි මාලාව ඉතාමත් සූක්ෂණව විශ්ලේෂණයෙන් අනතුරුව ඒ මහතා සිදු කරගැනීමය යන මහා විනාසය දැක ගැනීමට පහලට යන්න..

|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|

ඒ අසරණ මහතාට කුමක් නම් ගැලපේද ?

ඒ අසරණ මහතාට කුමක් නම් ගැලපේද ? තීරණය ඔබ අතේ.

Advertisements

86 Responses to දීර්ඝ කාලීනව මතුවූ ගැටළු සමූහයක ඛේදනීය අවසන් ප්‍රතිඵලයේ තීරණය ඔබ අතේ.

  1. Amila says:

    Napolean iii හොදයි වගේ අයියේ උඹට

    ඊට නරකද, අඹේනියට හොද මේකප් පාරක් දාල ගත්තනක් ඉස්කෝල කෙල්ලක් වගේ පෙනෙන්න…

    කැමතියි

  2. මාරයාගේ හෝරාව... says:

    උඩ පේලියේ හත් වැනි එක…ඒකනං උඹට කියාපු එකක්…

    ඒක නෙවෙයි බං කෝ මේකේ හිට්ලර් කට් එක නැහැනේ.. ආන්න එකේ හොයලා කපහං…සැර වෙලාවට හිට්ලර්… සොමියෙන්නං චැප්ලින්…

    කැමතියි

  3. ravisandu says:

    සිද්ධි අංක පහ –

    ගාළු කොටු පවුර මුහුදු වෙරළේදී ඇගෙන් සමුගත් පසු මම ඇය හමුවූයේ මේ පළමුවරටය.ඇගේ කෙලිලොල් දඟකාර ස්වරූපය බිඳකුදු වෙනසක් වී නොමැති බව එක වරම මසිතට නැඟුනි.

    ” අනේ, කොච්චර කාලෙකට පස්සෙද? ”

    ඇය මගේ සුරත අල්ලා ගැනීමට තැත් කළාය.

    දරුවා ද රැගෙන පියවර කිහිපයක් ඉදිරියෙන් පිය මනිනා ඇය දෙස හොරැහින් බැලූ මම සෙමින් අත ගසා දැමීමි.

    ” කවුද අනේ ඒ? ….ඔයාගෙ අක්ක කෙනෙක් වගේ….”

    ඇය ඉඟිමරමින් පැවසූයේ හඬ බාල කිරීමට කිසිදු උත්සාහයක් නොදරමිනි.

    ඇය දෙස මොහොතක් රවා බැලූ මම පය ඉක්මන්කොට ඇය වෙත ළඟා වීමි.

    ******************************

    ඔය කට් මොකවත් හරියන්නෙ නෑ නවමො…..මම කොරපු දේ කොරහං….ඩයි බං ඩයි…. ඩයි කොරහං…..හෙහ්, හෙහ්, අද්දුටුවයි..සත්තයි…ප්‍රත්තියාක්සයි..හරි නොගියොත් මුදල් ආපසු :

    කැමතියි

  4. Gold fish says:

    හතර වෙනි කොලම් එකේ ඕනේ එකකතුයි හත් වෙනි කොලම් එකේ ඕනේ එකකුයි ගැලපෙනවා…

    කැමතියි

  5. Kandyan says:

    ඔය ඉන්න විධිය නරකද?

    කැමතියි

  6. ඔය විදිහට තව රූප රාමු දෙකක් විතර ඡේදනය වෙන කොට බොට වෙන්නෙ රැවුල කෙසේ වෙතත්.. යූල් බ්‍රයිනර් වගේ ඔලුවෙත් කෙස් ගහක් නැති තත්වෙට පත් වෙන්න…

    කැමතියි

  7. හිනාව ඉවර වෙනකල් ඉන්න උනා පින්තුරෙ ආයෙම හොඳට බලන්න!!!

    (චුටී මැණිකේ මේ බ්ලොගේ බලන්නෙ එහෙම නෑ නේද? මට දැන්ම මැරෙන්න බෑ 😀 )

    Van Dyke එක හොඳයි වගේ!

    කැමතියි

  8. උඹ තිරිහන් වෙනවද බොලන්.බුදු සන්තෝ…

    කැමතියි

  9. Weniwel says:

    ඉස්සෙල්ලම සති දෙකක් විතර වවලා බලන්න කට් එකකට හරියන්ඩ වැවෙනවද දන්නෙත් නෑනෙ.. උඩ රැවුල නම් වැවෙයි..යට රැවුල අපිට ඕනි විදියට වැවෙන්නෙ නෑ..ඒකයි..ඊට පස්සෙ මූණට හරියන කට් එකක් තෝරා ගන්න..

    කැමතියි

  10. නිහාල් අය්යා says:

    අද නවම් මල්ලි අක්කලාගේ ගෙදර ගිහිනුත් ඉවරය් වගේ ! රෑට මොන කමක් කන්න වෙය්ද දන්නේ නෙහෙ !

    බඩගිනි නම් වරෙන් කොල්ලෝ මගේ කඩෙන් rice kothhuwak කාල යන්න. නෙත්නම් මුනට හොද තොතුවක් හම්බ වෙය් ගෙදර ගියාම ඔය අක්ක පොඩ්ඩාගෙන් !

    නිහාල් අය්යා
    නවම් හන්දිය

    කැමතියි

  11. ඔන්න ඔහේ ඔහොම්ම හිටපන් බන්. මොකට මහන්සි වෙනවද? උඹ මල්ලි නේ. අවුලක් නෑනේ.. අක්කල මල්ලිලට සලකන්න ඕනේ කියන නීතිය පනවපන්..

    කැමතියි

  12. abeetha says:

    උඹ දන්නවද මම රැවුල කපන්නේ නැත්තෙ ඇයි කියලා…. කොන්ඩේ කොටට කපන්නේ නැත්තේ ඇයි කියලා…. ශෝ..චනීයයි බන් තත්ත්වේ…..

    කැමතියි

  13. අඩේ, මේ වැඩිහිටියෙක් කියන එක හොඳට අහගනිං. එතකොටවත් ඔය ප්ලයි වුඩ් එකක් වගේ තියෙන ඇඟ අඩු ගානෙ පිට ලෑල්ලක් වගේවත් වෙනකල්, තව විදියකට කිව්වොත් ඔය 2D ඇඟ 3D වෙන්න හොඳට කාලා ඇඟ හදාගනිං. ජිම් එකකටත් පලයං.

    විශේෂ නිරීක්ෂණ: සකසුරුවම් බව.

    උදාහරණ:

    සිද්ධි අංක 1 :නවම්

    18/07/2012 at පෙ.ව. 11:21

    සුභ පැතුම් හෙන්රි අයියේ. ලොන්ත පොල් වෙලා අත පය වෙවුල වෙවුලත් බ්ලොග් ලියන්න ලැබේවා [ඒ දවසට තව වැඩි කලක් නෑ මයෙ හිතේ හෙහ් හෙහ්]

    සිද්ධි අංක 2:නවම්

    18/06/2012 at පෙ.ව. 9:02

    //මහතම මහත අක්කා කෙනෙක් එක්ක අයියා කෙනෙක් යනවා//

    වෙනීටත් අක්ක නං ඉතිං අපිට ආච්චි තමා !!!

    නිගමනය: නවමා කොතරම් සකසුරුවම් බුවෙක්දැයි කියතොත්, මූ තමාගේ වයසින් අඩු කරන අවුරුදු ගනන අහක නොදමා එය වෙනියාගේද මගේද වසස්වලට එකතු කර ඉනුත් නොනැවතී, අර ගෙදර ඉන්න චූටි මැණිකේගේ වයසටද එකතු කර ඇති බව පෙනී යයි.

    හැක! හැක! ! 😀 😀 😀

    කැමතියි

  14. ඔන්න සපත්තුව හිර උනාම ඇඟිලි කපනවා වගේ පිලියමක් .. මේ තරම් තරුණ කිරීමේ ව්‍යාපාර තියෙන රටේ පොඩි රිකන්දිෂන් පාරක් දාල ගන්නකො ..ඒ පාර කියයි ” ආ. මේ ලොකු දුවද ? තාත්ත වගේමයි ” කියල.. එදා ගෙදර ගියාම උම්මා ගොඩයි.. සහ තව තව දේවලුත්…ටු ෆලෝ

    කැමතියි

  15. 😀 නවම් පවුවූඌඌඌඌඌ…………………

    කැමතියි

  16. පූසා says:

    මේං මේ වගේ එකක් හොඳ වෙයි නවම් අයියාට…..

    කැමතියි

  17. රාජ් says:

    ඕකට කරන්න තියෙන්නෙ එක දෙයයි.
    උඹේ මූනත්තහඩුව ඔය පින්තූරවල ස්වරූපයට ගේන්න නං බෑ. කොච්චර කලත් සුකුමාල ගතිය ඉතිරි වෙනව:-)
    පුළුවන් නං දැලිපිහි පාරක් අතුල්ලගෙන මැහුං හතඅටක් ගහගනිං. හිතක් පපුවක් නැතුව මෙහෙම කිව්වට අමානාප වෙන්න එපා 🙂

    කැමතියි

  18. හික්ස් මම හිතන්නේ හරියන එක ඔතන නෑ
    නරකද කොණ්ඩේ නැතුව එතකොට ඇහිබැමි රැවුල් මොකුත් නැතුව බිත්තර ගෙඩිය වගේ තිබ්බනං

    කැමතියි

  19. දුකා says:

    උඹ නම් අද කනවා පුතෝ මදි නොකියන්න . ..

    hik hik hik

    මගේ අදහස තුන්වෙනි පේලියේ හතරවෙනි එක කියලයි . .

    කැමතියි

  20. දුකා says:

    මට දවසක් උනා ඕකේ අනිත් පැත්ත බන් . . .අපේ උන්දැගේ සපත්තු වලට ඕන කරන මොනා හරි ගන්න ගිය වෙලාවක එකෙක් ඇහුවනේ දුව එක්කද ආවේ කියලා . ..

    අපේ ගෑනි ඒ මිනිහට උම්මා එකක් දෙනවා සුවර් මම එතන නොහිටියනම් . ..

    කැමතියි

  21. Sithi says:

    සෑහෙන බොන්න ඕන ප්‍රශ්නයක් වගේ නවම් අයියේ… අනේ ඔය ලෝකයා කියන දේවල් ගන්න එපා.. එහෙම උනොත් අපිට ජීවත් වෙන්න වෙන්නේ නෑ..

    මම හිතන්නේ උඹට හරියන්නේ 3න් වෙනි පේළියේ 2වෙනි කට් එක…

    කැමතියි

  22. අයියෝ… තව ටික කාලෙකින් අපේ ගෙදර ඉන්න දෙපලටත් ඔහොම වෙයිද දන්නේ නැහැ. ගෑණු පරානෙට දැන්ම කියන්න ඕනා පොඩ්ඩක් exercise එහෙම කරලා ඉන්න කියලා. 😀

    තුන්වෙනි පේළියේ මුලින්ම තියෙන ‍රැවුල දැම්මනම් ටිකක් අයියා වගේ ඉන්න පුලුවන් වෙයි 🙂

    කැමතියි

  23. පොඩ්ඩක් තලත්තෑනිකොම හිතට ගනිංකො අයියෙ… එතකොට ඒක ටික ටික පිළිබිඹු වෙයි මූණත්තහඩුවෙනුත්… කොහෙද උඹල පවුල් වුණාට හතරෙ පන්තියෙ වැඩ කොරන්ඩනෙ තාම උනන්දුව….

    කැමතියි

  24. malmi says:

    මේක මාර මගුලක්නේ යකෝ!!!!! ඇයි හත්වලාමේ අක්කලට බැයිද මල්ලිලාව කසාද බදින්න. ඔන්න ඔහේ උඹ ඔව්වා ගනන් නොගෙන හිටහන් මලේ.

    ඔය මං දන්න විදියට උපුල් ශාන්ත සන්නස්ගල සර්ගේ නෝනා සර්ට වැඩි අගලක් විතර උසයි. ඉස්සර කොල්ලෝ පංතියේදි ඔය කතාව කියන කොට සර් කියනවා ඇදට නැග්ගම වෙනස පේන්නේ නැහැ කියලා. නෝනට ඕක පැහැදිලි කරලා දුන්නා නම් හොදයි මම හිතන්නේ. තරහා ගන්න එකක් නැහැ මයේ හිතේ.

    කැමතියි

  25. RanDil says:

    කොච්චර මොස්තර තිබුනත් තුන්වෙනි පේළියේ පළවෙනි එකට ගහන්න එකක් නැහැ නවම්……. 🙂

    අන්න රැවුල………..

    කැමතියි

  26. චුටි මැණිකේ says:

    හවසට වරෙන්කො ගෙදර !!!

    – චුටි මැණිකේ

    කැමතියි

  27. ............. says:

    මමත් නවම මාවතේ ඉන්නේ දෙන සේහෙන කාලයක ඉදන් නවම් ව හොයනවා !
    බලමු රැවුල වවුවම හොයා ගන්න පුළුවන් වෙය් !
    මොන විදිහටද රැවුල වවන්නේ කියල පොඩ්ඩක් කියන්න !

    කැමතියි

  28. අර මීමැස්සෝ වහන මල්වට්ටි කතාව ඇරෙන්න අනිත් කතා ටික නම් ටිකක් බැරෑරුම් වගේ ඒ නිසාමද මන්දා තේරුනේ නෑ.
    මී මැස්සෝ වහන්නේ පැණි තියෙන නිසා වෙන්ටෑ… අපේ… අප්ප්ප්පෝ…..ඕ ඕ…. මට හිතෙන එවුවාආආඅ 🙂

    කැමතියි

  29. නවම්.. මට ඔබ ගැන දුකයි…. සමහර මූණු තියෙනව හරි ලපටි පාටයි. මොනව කළත් හරි යන්නෙ නෑ. උදා: ආචාර්ය වික්‍රමබාහු කරුණාරත්න. ( දැන් නම් කෙස්ස සුදු වෙලා ) අනික : රොඩ්නි වර්ණකුල.
    මෙහෙම ට්‍රයි කරල බලන්න; නළල ටිකක් මතු වෙන්න තට්ටෙ ගාන්න. රැවුල වවනවා නම් කොණ්ඩෙ කොටට කපන්න.
    මටත් ඔහොම දෙයක් උනා. අවස්තා දෙකකදි. හැබැයි දෙක එකිනෙකට පරස්පරයි.
    1. දැනට වසර අටකට විතර පෙර, දුවල ගේන්න ඉස්කෝලෙට ගියාම එයාලගෙ යාළුවො අහල තියෙනව ඒ සීයද කියල.
    2. මීට වසර දෙකකට පෙර පන්සලේදි කෙල්ලක් මට අයිය කියල , මගෙ වයිෆ්ට ඇන්ටි කිව්ව.

    කැමතියි

  30. කතාවයි කොමෙන්ටුයි සේරම පට්ට ගති…..

    මොනා උනත් මට නම් අයියව මතක අතිශයින් කෙට්ටු උස කෙනෙක් විදියට තමයි.ඇත්තටම අයියේ කෙට්ටු වීමේ අගය දැනෙන්නේ මහත් වුනාට පස්සේ තමා… ලෝකයා මොනා කිව්වත් ඔය ශරීරය ඔහොම්ම තියන් ඉන්න… ඇඟ අඩුකරගන්න දුවන්න ගියාම තේරෙයි මහත් වීමේ රඟේ…..

    ම්ම්ම්ම් අයියගේ දිගැටි මූණට උඩු රැවුල හරියන්නේ නැ ඒ නිසා යටි රැවුල තමා හරියන්නේ…. රැවුල නැතුවත් හොදයි වගේ හැබැයි

    කැමතියි

  31. gopher says:

    දැං උඹ ඔය නොකිය කියන්න හදන්නෙ උඹ කොල්ල කියලද? … උඹට ඕනම නං ඔය තියන කට් එකක් හදා ගනිං… හැබැයි උඹේ ඔය පැණි බේරෙන මූනත්තහඩුවෙ නෙමෙයි… වෙන තැනක..

    කැමතියි

ඔබගේ ප්‍රතිචාර

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: